給一個我不相識的人的一封信

早些時間,從女友的FACEBOOK中間接地看到某一位現正修讀時裝設計的女生的一篇網誌,內容大致講述她有感香港時裝界的狹窄,難以發揮所長,因而變得心灰意懶,想放棄自己的時裝夢.
雖然我不認識她,但那一刻我卻心血來潮,想和她分享自己的看法,因而寫下以下之篇文章.  現在POST 番出來,只是以作記念,
記念自己當時的熱血,對時裝的熱血:

你叫Sarah 嗎? 我唔認識你,你這篇文章我也只係從梁淑嫻嘅FB 處無意中睇到的,我應你,可能係你文中所講的事觸動到我的神經吧~
我只係想講,無疑喺香港要成為一位時裝設計師或從事時裝業是很難,資金難,製作又難,最難嘅係會有無數嘅人去質疑你,輕視你,認為你對時裝所堅持的理念是荒謬的是不切實際的,認為這只是些不成熟的人所追求的事,到你大個左,成熟左後就會知道自己年少時係鍇錯等等,更甚嘅係你最親嘅父母都唔相信你所信的,只會日日同你講時裝E D 野不設實際,時裝E D 野冇用,時裝E D 野搵5到食,之後就勸你要正正常常讀好D書,攞個好D 嘅學位之後再腳踏實地找份好工.....時裝,他們會叫你當玩下就算,5好認真.........
是呀,會好洩氣呀,常常受到香港的現實環境所限,受到他人質疑,最後搞到自己都質疑自己,自己當初為什麼開始,追求什麼也忘記的同時,連自己初初最堅持最的愛時裝也開始討厭吧....之後就想放棄. 當然,對某些人來說放棄可能係好事,因為他們一開始也只不過覺得時裝只是一種娱樂性幾高 玩玩無妨的事宜,他們投身於這個領境的整個時期裏,也不知自己為什麼而做,不知道時裝在他們的人生中除左係種娱樂性幾高 玩玩無妨的事宜之外,還可以有何意義. 我想如果你是這種人的話,放棄時裝可能真係會仲好,但看到你的文章,你不是這種人ㄚ!! 你一開始就有你自己對時裝獨特的堅持,你說 
“我要開一個boutique 賣party wear ，唔貴既，等d學生，女仔平時用affordable 既價錢都可以買d 靚靚裙著同去grad din，買靚衫，唔係有錢人既權利“
這就證明到時裝對你人生中是有很重要之意義吧?? 所以為了那些現實中無聊的GPA,為了那些溝通唔到既tutors既仆街comments 而覺得自己垃圾打撃自信心 而最後討厭左一件原本可收伴隨你一生的「朋友」,不會很可惜嗎?? 是現實環境中的無聊GPA同仆街tutors可怕D ㄚ? 還是自己竟然會為左那些連自己都覺得無聊嘅GPA同tutors 而去放棄自己一直所相信所追求的信念可怕D ㄚ? 所以我認為人只要每日都可以接觸到自己所忠愛的事情,就已經很快樂呢? 當然你或會好似 STELLA 咁話 目前你地在ITC 所接觸的時裝很悶,很無意義. 同自己理想世界中的時裝完全不同,但你可以話你而家每日所接觸所學的 真是完完全全和你追求的時裝沒有關連嗎? 即使只是很少很少,但至少你們都仲有個放滿過萬本時裝書籍雜誌的gallery吧?? 認真去那裡看看的話 對你各方面的時裝潛力也一定有進益吧? 
所以你現實的生活同你所追的夢想從來就冇分離過呀~ 我對時裝的愛未必比你多,但我也有我的時裝夢,而且我目前修讀的只是浸大中國硏究的經濟科,對於時裝,我每天所過的一定比你更加風牛馬不相及吧? 更加孤獨吧? 但我自問這些年來我從來都沒有一刻想過於棄過我時裝的堅持和目標,更加沒有一刻討厭過佢呢. 所以在我的立場來看,如果幸福的你那麼容易就要放棄自己的時裝夢的話,我真會嬲你呢!(雖然我5識你 :) ) 
何況你的偶象coco chanel ,年輕時也不過只是位歌女吧? 比起你偶象年輕的時侯和我,你現在已經去最容易告係追你的夢的一個喇~
所以 你實在冇必要去想 放棄你的夢,更不要去厭討一些明明你很喜歡的東西~~
我花咁多時間嘔D字出黎, 目的只係唔想令香港又少一個真正喜歡時裝並希望去堅持的人,你所面對的疑慮,每一個想喺HK 從事時裝的人都一定有, 但我信只要在目前的環境,每一個時裝人只要堅持理想,各盡其位,時代一定會改變! 人終需相信自己,人終需依靠自己,特別係想喺HK 從事時裝的人,路一定難行,但我地徧徧就係要行! 咁至型架嗎,吹咩 :) 
雖然我同你3 9 唔識7, 突然同你講咁多嘢,可能你會覺得我痴線....but anyway, 共勉之 :)